моральдық-саяси әлеует

(Морально-политический потенциал)

халықтың рухани мүмкіндіктері. Халықтың саяси және моральдық санасының деңгейімен анықталады және әлеуметтік, экономикалық, саяси, әскери мақсаттарға жету факторына айналуы мүмкін. Әскери тұрғыдан алғанда, М-с.ә. халық пен армияның соғыс қиындықтарына шыдап, жеңіске жету үшін бар күшін жұмылдыра білу қабілетін білдіреді. Мемлекеттің әскери қуатының және оның ҚК-нің жауынгерлік қуатының құрамдас бөлігі ретінде жауынгерлік, әскери, ғылыми, әлеуметтік және экономикалық әлеуеттермен тығыз байланысты бола отырып оларды пайдалану тиімділігін анықтайды. М-с.ә. елдің қоғамдық және мемлекеттік құрылысына, соғыстың сипаты мен мақсаттарына байланысты болады. М-с.ә-тің ерен үлгісі Ұлы Отан соғысы жылдарында байқалды.